بسم الله الرحمن الرحيم
موضوع اليوم عن كلب نادر جدا" لما نلاقيه في وطنا العربي إلا في بعض الدول وبعض الاشخاص بسبب سعره اللي يعادل الجبال اللي هو منها بالعربي غالي قوي
اسمه:التبت الدرواس اوTIBETAN MASTIFF
والكلب ده باذات ليه تاريخ مرتبط بالشعب السامي في جبال الهيمالايا وسهول اسيا الوسطى مسقط رأسه....
نيجي بقى لمواصفاته:
وزنه:45-90كلغ والعجوز فيها بيوصل لـ100كلغ
الطول: الذكر 60-75cm الأنثى50-58cm
العمر:10-14 سنه
نشاطه: معتدل
فيه منه نوعين
الاول: بيسموه راس النمر و التاني:راس الاسد
والفرق بينهم:
راس الاسد: جسمه صغير نسبيا بس شعره طويل
راس النمر: كبير وشعره قصير
في ناس كتيره بتقول انه هجين الامريكان , بين البلاك جاك والروت, والسمبنار والروت بس اساسا هو كلب ليه اصل وفصل....
سبب توجدو فأمريكا وانتشاره هناك:
الكلب جاي اصلا من محافظة التبت في الصين واتنقل من هناك للهند وبعد كده لنيبال ومنها لأنجلترا طبعا كل ده في الحرب العالميه التانيه مع القاده الانجليز واحد منهم قدم كلبين هديه للملكه وراحت الايام وجت الايام وبعد غرق سفينة التايتنك.....ههههههههه
اتنقل الكلب ده لأمريكا وفأمريكا مش زيينا البلجيكي مع الجيرمن والروت مع البلاك.......
لأ دول ناس بيحبو الاصاله والمحافظه عليها ومن هنا بدأ الناس تجيبه من أمريكا لأن من الصين اصعب ومشوار عشان يجيبوه من التبت موطنه الاصلي.... ديه حكايته.
والكلب ده كان الناس في التبت كانوا رعاة غنم ومواشي والمشورا ده محتاج حاجه تحميه فكانو بيجيبو الكلاب ديه للحراسه طبعا لمميزتها والكلاب ديه بتتميز انه بيحب يفرض قوة سيطرته وعنده روح المبادره (يعني مابينبحش عالفاضي) والشجاعه وصبره وباله الطويل وذكي جدا لدرجة انه يقدر يتكيف مع مجموعه متنوعه من الوظائف ويقدر تخذ قراراته بنفسه... ولاخلاص واللطافه فنفس الوقت بالعربي الكلب ده كتلة من التناقض في التصرفات وتقدر تديله دروس في الطاعه وسهل قوي انك تمييز بينه وبين أي كلب تاني انت مدربه لأنه ذكي ومستقل....
من الاخر ليه من الخصائص اللي بينفرد بيها عن بقيت الكلاب في العالم...... وهسبكم مع شوية صور بس ايه تحفه
منصحش حد يهظر معاه الهظار بيقلب بجد
كان فيه شوية صور كمان بس عين الديب شكلها تفقعت(ههههههههههههههه) مش راضي يشتغل تاني هكملهالكم فموضوع تاني.......
يارب يكون عجبكم على فكره الموضوع ده حصري مش منقول انا منزل كل المعلومات من عالنت من مواقع اجنبيه وترجمتها معادا بعض الصور من منتدانا ويمكن تفتكرو موضوع كلاب اقرب الى الاسود هو ده اللي شجعني اني اعرف حكايه الكلاب ده....
.
__________________
البحث عن مواضيع لنفس العضو
__________________
الكلاب مشكلتي...
ومفيش حد فاهمني...
غصب عني بتجري فدمي....
ومش هممني اللي يتقال عني...
هيقولوا ايه يعني اهبل عبيط غبي وإيه يعني مش هممني...
طول مهيه جنبي مش هممني...
الإثنين أكتوبر 12, 2009 9:11 pm
